Bilbordlar - ictimai yerlərdə reklam məlumatını keçən piyada və avtomobillə hərəkət edən insanlara nümayiş etdirilən iri strukturlardır.Bir çox hallarda onlar çoxlu sayda piyada və avtomobillərin keçdiyi əsas yolların yaxınlığında yerləşdirilir.

CLP bir və ya iki reklam səthinə malik olan, ayrıca dayaqlı kiçikölçülü reklam qurğusudur. Adətən teatr, kinoteatr, idman və digər kütləvi tədbirlərin repertuarı barədə məlumatın təqdim olunduğu bu qurğularda əlavə olaraq yalnız tədbirlərin sponsorları barədə məlumatlar yerləşdirilə bilər.

Açıq hava reklamlarından biri sayılan laytbokslar işıqlı lövhələr olaraq bilinirlər. Laytbokslar istifadəçilərə verdiyi üstünlüklər sayəsində ənənəvi işıq lövhələrindən daha praktik, daha çox performanslı və daha qənaətcil olduqları üçün qısa müddətdə populyarlaşdılar.

Led monitorlar bu günkü reklam və tanıtım texnologiyasının ən təsirli və populyar vasitəsidir, çünki çox böyük ölçüdə istehsal oluna bilər və gün işığında çox aydın görünə bilər. Dinamik və parlaq nümayişinə görə hər zaman diqqət mərkəzində olurlar. Ən geniş yayılmış ölçüləri 4x3m və 5x3m olanlardır.

Bir qayda olaraq, yumşaq materiallardan -parça, tor, süni dəridən hazırlanan transparant iki ayrı dirək, yaxud bina arasında bərkitmə qurğuları ilə yerləşdirilmiş reklam qurğusudur. Transparantın yer səviyyəsindən hündürlüyü ən azı 6 metr olmalıdır.Standart ölçü olaraq 1x8m -dir.

Meqabord daxili və xarici işıqlandırmaya malik böyükölçülü reklam qurğusudur. Meqabord bünövrə, karkas, dayaq və reklam səthindən ibarətdir.Birtərəfli variantda hazırlanmış meqabordun arxa tərəfi dekorativ tərtibatlı olmalıdır. Ən geniş yayılmış ölçüsü 10x5m -dir.

Bu reklam daşıyıcıları binaların, ticarət obyektlərinin, körpülərin və digər tikililərin fasadlarına vurulur. Ən effektiv və yadda qalan daşıyıcılardan sayılır. Ən əsas səbəb böyük və çox zaman hündürdə olduğu üçün uzaqdan diqqət çəkməsidir. Pano ölçüləri olaraq 12x7m, 10x5m və digər ölçülərə də rast gəlmək olar.

Skroller açıq hava reklam qurğularından biridir. Bu məhsulla eyni fiziki mühitdə dörd ayrı reklam təklif oluna bilər. Bir-birinin ardınca dəyişən kadrlar insanların diqqətini cəlb edir və beləliklə, reklam effektivliyini maksimal dərəcəyə çatdırır.Standart ölçüsü 4x3m-dir...